خاص- الحقيقة

نشر لاعب كمال الأجسام البطل الدكتور أحمد الحسن صورة على حسابه الشخصي على فيس بوك توضح إصابة تعرض لها يوم أمس على مسرح التجارب بمدينة الفيحاء الرياضية بدمشق.

وكتب حسن موضحاً سبب الإصابة قائلاً:

«هي الاصابة صارت مبارح قبل دخولي ع مسرح التجارب بربع ساعة بمدينة الفيحاء وكان صاير جدال واسع قبلها مع رئيس الاتحاد والأعضاء حول أحد المواضيع الخاصة بالبطولة، ولبست تيابي وطلعت بسيارتي وكنت مقرر ما ادخل عالتجارب، بس اتدخلو بعض الشباب الأكابر وماتركوني روح ولما نزلت من السيارة وشلحت تيابي صار اللي صار والحمدلله إجت هيك ولا صار كسر معين بالرجل.
وتابع حسن: طلعت عالمسرح بهالاصابة وأنا بعرف سلفاً شو رح تكون النتائج بعد أول جدال صار، شاكراً كل من اتصل للاطمئنان عليه.»

وكان الاتحاد أصدر عقوبة بحق اللاعب الدكتور أحمد الحسن داخلياً وخارجياً لمدة عام كامل بسبب إساءته للاتحاد وشتمه على الفيسبوك كما أكد الاتحاد عبر صفحته.

ورد حسن على العقوبة بأنه لم يقم بالشتم وكتب:

“أنا ماشتمت ..أنا بهدلتكن بنص المسرح وعلى مرأى الجميع لأنكن مسخرة بكل معنى الكلمة ولسا لسا عالاذاعات رح أحكي اللي لازم ينحكى وكيف بتمشي الأمور وكيف السلكون شغال على مرأى الجميع ورح تتفاجؤوا بقصص وأمور رح تصير ماكانت رح تخطر ع بالكن… وإنتو عاقبتوني سنة ؟ ياسيدي أنا رح قلكن ياها….أنا في حل من ارتباطي باتحاد بناء الأجسام والرياضي العام حتى إشعار آخر ..وحصول التغيير اللازم لتتطور هالرياضة بالبلد.”

يشار إلى أن حسن طبيب أسنان ولاعب مجد ومتابع في رياضة بناء الأجسام وحصل مؤخراً على الميدالية الذهبية بوزن +100 كغ في بطولة غرب آسيا 2018البحرين.