الحقيقة

كتبت الصحفية فاطمة فاضل على صفحتها الشخصية على فيس بوك:

بدي اتشكر كل حدا عم يحكي كلمة حلوة بحق طلاب الهند..
نحنا وصلنا بخير الحمد لله لحد اللحظة فحوصاتنا سليمة..
ولو الحجر 3 شهور رح نبقى كرمال صحة الناس اللي برا..
ما تخافوا عحالكن بنسبة 90% الطلاب سليمين..
وال10% هي فقط احتمال يكون بالمطار حدا لقط شي فايروس وهو كتير احتمال ضئيل بسبب درجة التعقيم سواء بالمطار او بيننا..
بالنسبة للحجر كلمة الحق دائما لازم تنحكى و مو دائما نحكي ونهاجم ونحارب..
بدنا نتشكر كل إدارة الحجر كلن متعاونين ونفسيات حلوة..
أكيد كان في شوية تقصيرات وشغلات مو صح..
بس تقريبا تم تدارك كل شي..
ونحنا مقدرين كل الضغط والجهود اللي عم يعملوها كرمالنا و كرمالكن..
والفحص عم يتم مرتين باليوم كمان مشان الناس اللي كتير عم تحارب ضدنا برا..
فعلا الكوادر هون بشوارع الحجر متل خلية النحل ترفع لهم القبعة..
كل الكوادر مشكورة من النقل للصحة للحجر..

يشار إلى أن فاضل كانت من الطلاب السوريين المقيمين في الهند والذين تم ايفادهم مؤخراً لإكمال دراستهم في الهند.